Татарстанлылар стендка ату буенча Россия беренчелегендә бүләкләр яуладылар
Татарстанлылар 21 яшькә кадәрге юниорлар һәм юниорлар арасында стендка ату буенча Россия беренчелегендә уңышлы чыгыш ясыйлар. Турнир бу көннәрдә Мәскәү янындагы «Лисья нора» ату мәйданчыгында уза. Татарстан спортчыларының активында 5 медаль бар.
Катнаш парлар ярышында Кирилл Багров һәм Милена Видманова дәрәҗә пьедесталының югары баскычына күтәрелделәр. Квалификациядә балалар 135 төгәл ату ясыйлар, ә алтын матчта Липецк өлкәсе командасын 6-2 исәбе белән җиңәләр.
Траншея стендында шәхси зачетта 105 (1)+17+15 нәтиҗәсе белән Камилә Вәлиева бронза призер булды. Шулай ук өченче, әмма инде скитта юниорлар арасында Дарья Леомцева була, 112+22+22.
Юниорлар арасында түгәрәк стенд Татарстан җыелма командасына 2 медаль алып килде. Көмеш медальне Марат Нежданов яулады, 116 (3)+25+31, бронза Илья Кушагин, 114 (2)+ 24+21.
Пьедесталдан бер адымда квалификация лидеры Салават Садыйков туктады – 4 урын, 120+22+13.
«Лисья нора» да ярышлар дәвам итә. Бүген, 3 августта, турнирда тагын 3 комплект бүләк уйнатылачак – команда зачетында трапта һәм катнаш командалар арасында скитта.