Актаныш районында физкультурниклар көне билгеләп үтелде
Актаныш районында физкультурниклар көне бәйрәме Б.Дәүләтов исемендәге Үзәк стадионда узды.
Бу көнне бәйрәм кунаклары өчен төрле спорт программасы оештырылды, шул исәптән җиңел атлетика буенча спорт мастеры Фирая Солтанова-Ждановадан мастер-класс. Бәйрәм мәйданчыгында ул яшь спортчылар һәм физик культура укытучылары өчен мастер-класс күрсәтте.
Шулай ук бәйрәмдә ГТОның алтын отличие билгеләре һәм Рәхмәт хатлары, 2023 елгы ГТО кышкы фестиваленең республика этабы җиңүчеләренә бүләкләр тапшырылды.
Тантаналы өлешне тәмамлагач, 1 һәм 2 нче мәктәп укучылары ГТО нормативларын үтәделәр.
Бәйрәм алдыннан, 11 нче көнне, балалар бакчаларында тәрбияләнүчеләр ГТО нормативларын үтәүгә керештеләр. 5 учреждениедән 60 бала 30 метрлы дистанциягә йөгерү нормативларын үтәгән.
Физкультурниклар Көнен Бәйрәм Итү «Демография» милли проектының «Спорт – тормыш нормасы»федераль проектын гамәлгә ашыру кысаларында узды.