Татарстан Республикасы хатын-кызлар җыелма командасы өстәл теннисы буенча Россия беренчелегенә сайлап алынды
5-10 февральдә Оренбургта 20 яшькә кадәрге юниорлар һәм юниорлар арасында өстәл теннисы буенча Идел буе федераль округы беренчелеге узды. Ярышларда Россиянең 9 төбәгеннән барлыгы 150 спортчы катнашты.
Турнирда катнашкан Татарстан теннисчылары берничә бүләк яулады:
Команда ярышларында хатын-кызлар җыелма командасы җиңүче булды. Команда составына Дарина Низамова, Анастасия Степанова, Азалия Мортазина, Камилла Шигапова, Наталья Мильчакова керде.
Юниорлар арасында ялгыз ярышларда Дарина Низамова көмеш медаль яулый. Мария Мухина катнаш парлы разрядта Самар өлкәсе спортчысы белән бергә бронза призер булды.
Турнир нәтиҗәләре буенча Татарстанның хатын-кызлар командасы быел апрель аенда Санкт-Петербургта узачак Россия беренчелегенә сайлап алынды. Шәхси ярышларда Республика исеменнән Анастасия Степанова, Дарина Низамова һәм Азалия Мортазина чыгыш ясаячак.