«Парламент 2030» бөтенроссия яшьләр закон чыгару инициативалары конкурсында җиңүчеләрне бүләкләү тантанасы булды
16.02.2024 Татарстан Республикасы спорт министрлыгының Актлар залында «Парламент-2030»бөтенроссия яшьләр закон чыгару инициативалары конкурсын бүләкләү булды.
Конкурста Россия Федерациясенең 70 субъектыннан 48 000нән артык югары, һөнәри һәм гомуми белем бирү оешмалары укучысы катнашты.
Конкурсның партнерлары булып ел саен Казан (Идел буе) федераль университеты, Татарстан Республикасы Фән һәм мәгариф министрлыгы, Татарстан Республикасы спорт министрлыгы, Татарстан Республикасында кече Дәүләт идарәсе Академиясен тәмамлаучылар ассоциациясе, талантлы яшьләргә ярдәм итүнең «ИНТЕГРАЦИЯ» милли системасы, Татарстан Республикасы Яшьләр хөкүмәте һәм башкалар тора.
Конкурска Татарстан Республикасыннан Россия Федерациясе Дәүләт Думасы депутаты Айдар Раис улы Метшин һәм Татарстан Республикасы спорт министры Леонов Владимир Александрович зур ярдәм күрсәтте. Конкурста җиңүчеләрне Татарстан Республикасында Кеше хокуклары буенча вәкаләтле вәкил Сабурская Сәрия Харисовна сәламләде. Шулай ук катнашучыларга сәламләү сүзләрен федераль министрлыклар һәм ведомстволар җибәрде.
Бүләкләү тантанасында катнашучы хөрмәтле кунаклар: Татарстан Республикасы Дәүләт Советы депутаты Вострикова Светлана Анатольевна, Татарстан Республикасы спорт министрлыгының халыкны физик тәрбияләү һәм физкультура-сәламәтләндерү эше бүлеге башлыгы Дорогов Дмитрий Владимирович конкурс җиңүчеләренә һәм тантана кунакларына сәламләү сүзләре белән мөрәҗәгать иттеләр.
Бүләкләү тантанасында Оренбург өлкәсе, Саха Республикасы, Брянск өлкәсе, Мәскәү, Санкт - Петербург һәм Россия Федерациясенең башка субъектларыннан катнашучылар катнашты.
«Парламент 2030» конкурсы нәтиҗәләре буенча балалар әзерләгән закон проектлары җыентыгы басылып чыгачак, ул Россия субъектлары парламентларына, Дәүләт Думасына һәм Федерация Советына җибәреләчәк.