Татарстан теннисчысы өстәл теннисы буенча халыкара ярышларда катнаш разрядта беренче урынны алды
7-10 март көннәрендә Байлар Сабасы бистәсендә РСФСР һәм ТАССРның атказанган урманчысы, «Почет Билгесе» һәм «Октябрь революциясе» орденнары кавалеры Н.м.Миңнеханов истәлегенә өстәл теннисы буенча халыкара ярышлар узды. Ярышларда Россия, Белоруссия, Таҗикстан һәм Кытайдан 278 спортчы катнашты.
РФ Президенты ярдәмчесе һәм Россия Олимпия комитетының беренче вице-президенты Игорь Левитин, Татарстан Республикасы Раис Рөстәм Миңнеханов, Татарстан Республикасы спорт министрының беренче урынбасары Хәлил Шәйхетдинов һәм Татарстан Республикасы Саба районы башлыгы Рәис Миңнеханов турнирның мактаулы кунаклары булдылар.
Татарстан Республикасы вәкиле Елена Абакумова катнаш разрядта беренче урынны һәм хатын-кызлар арасында парлы разрядта өченче урынны яулады.