Татарстан спортчысы сноуборд буенча Россия чемпионатында икенче булды

2024 елның 18 марты, дүшәмбе

Шимбә көнне, 16 мартта, сноуборд буенча Россия чемпионаты кысаларында Россиянең 13 төбәгеннән иң көчле спортчылар «Морозная» тавы битләүләрендә параллель слалом-гигант һәм параллель слалом дисциплиналарында ярыштылар. Ярышларда 60ка якын спортчы катнаша.

Алар арасында Мәскәү һәм Мәскәү өлкәсе, Красноярск, Камчатка, Приморье, Алтай һәм Краснодар крае, Кемерово, Сахалин, Чиләбе өлкәләре, Ханты-Манси автономияле округы, Татарстан һәм Башкортостан Республикалары спортчылары бар.

Параллель слалом-гигантта Татарстан спортчысы Милена Сарсембаева икенче урынны алды. Чемпион булып Красноярск краеннан Полина Кәримова, бронза-Наталья Соболева, ул Ханты-Манси автономияле округы Югра һәм Кемерово өлкәсеннән.