Казандагы 2024 елгы БРИКС Уеннарына беренче билетлар сатуга чыкты!
2024 елгы БРИКС уеннары башланырга 50 көн калды, һәм бүген Казанда 12-23 июньдә узачак халыкара турнирның билет программасы старт алды.
БРИКС уеннарында БРИКС илләреннән һәм чакырылган дәүләтләрдән 4500 дән артык катнашучы көтелә. Казанның Спорт Ареналарында суга сикерү буенча дөнья һәм Европа чемпионы Евгений Кузнецов, синхрон йөзү буенча күп тапкыр олимпия чемпионы Светлана Колесниченко, нәфис гимнастика буенча Россия чемпионы Лала Крамаренко һәм башкалар кебек Россия җыелма командасының әйдәп баручы спортчылары чыгыш ясаячак.
23 апрель көнне йөзү, спорт гимнастикасы, фехтовкалау, синхрон йөзү, дзюдо, суга сикерү, бадминтон, каратэ, спорт көрәше, самбо, ушу, көрәш һәм билбау көрәше буенча билетлар сатуга чыкты.
Билет бәясе – 100 сумнан 300 сумга кадәр. БРИКС уеннары программасына барлыгы 20дән артык спорт төре кертеләчәк. Башка дисциплиналарга билетлар май аенда сатуга чыгарылачак.
«БРИКС уеннары – безнең атлетлар өчен үзләренең талантларын һәм осталыкларын халыкара аренада күрсәтү өчен менә дигән мөмкинлек, һәм мин уеннарның безнең өйдә, Россиядә, бай спорт мирасы булган илдә узуына бик шатмын. Аларның Казан кебек матур шәһәрдә узуы бигрәк тә күңелле. Башлауны түземсезлек белән көтәм һәм ышанам, бу үзенчәлекле атмосфералы чын спорт бәйрәме булачак!»- дип белдерде фехтование буенча ике тапкыр олимпия чемпионы Софья Великая.
«Җәйнең төп мультиспорт турнирларының берсенә 50 көн кала, һәм мин бу вакыйганың Казанда узуына бик шат. Шәһәр чираттагы тапкыр Россиянең спорт башкаласы булуын исбатлый. Казан халкы һәм кунаклары чираттагы тапкыр шәп спорт тамашасы белән ләззәтләнә һәм иң көчле спортчыларны күрә алачак», - диде Олимпия чемпионы, Россия җыелма командасы һәм Казан «Зенит» ы волейболчысы Максим Михайлов.
«Казанның яңадан эре халыкара турнирны кабул итүенә бик шатмын. Бадминтон БРИКС илләрендә бик популяр, һәм уеннарда кызыклы матчлар күп булыр дип ышанам. Без яхшы нәтиҗәгә өметләнәбез, чөнки туган стеналар ярдәм итәргә тиеш. Сезне көтәбез, кадерле җанатарлар! Бадминтон карарга һәм яраткан спортчыларыгыз өчен җан атарга килегез!»- дип билгеләп үтте Россия җыелма командасының бадминтончысы, Европа чемпионатлары призеры Евгения Косецкая.
Ярышлардан тыш, тамашачылар күңелле мәдәни программа, танылган атлетлар, спорт легендалары белән сессияләр, шулай ук интерактив шоулар белән ләззәтләнә алачак.
Казандагы 2024 елгы БРИКС Уеннарына беренче билетларны Брикс Уеннарының рәсми сайтында яки турнирның рәсми партнеры сайтында алырга мөмкин kassir.ru