Рөстәм Миңнеханов ир-атлар һәм хатын-кызлар арасында бильярд спорты буенча халыкара турнир, Татарстан Республикасы Рәисе Кубогы (Дөнья Кубогы) ачылышында катнашты
Бүген Татарстан Республикасы Рәисе Рөстәм Миңнеханов бильярд спорты буенча халыкара турнирны, ир-атлар һәм хатын-кызлар арасында бильярд спорты буенча Татарстан Республикасы Рәисе кубогын (Дөнья Кубогын) ачу тантанасында катнашты.
Ачылу тантанасы Казанда Бәшир Рәмиев ис. ИТ-парк мәйданчыгында (Спартак ур., 2) узды.
Исегезгә төшерәбез, турнирның сайлап алу этаплары 23-27 апрельдә планлаштырылган. Финал очрашулары – 28 апрель көнне 13:00 сәгатьтә (хатын-кызлар) һәм 16:00 сәгатьтә (ир-атлар). Турнирның приз фонды – 2 500 000 сум.
Мультимедиа прологыннан соң сәламләү сүзләре белән Татарстан Рәисе Рөстәм Миңнеханов, Россия бильярд спорты федерациясе вице-президенты, пирамида буенча халыкара комитет генераль секретаре Яков Фирсов чыгыш ясады.
«Бездә көрәшергә әзер лаеклы спортчылар – егетләр һәм кызлар бар, - диде Татарстан Рәисе, турнирда катнашучыларны сәламләп. – Сез барыгыз да – мастерлар, һәм минем теләгем-сезгә бәхет елмайсын. Яхшы спорт көрәше телим!»
Ул турнирда көрәшнең киеренке булачагын ассызыклады.
Рөстәм Миңнеханов шулай ук бильярд буенча халыкара турнир мәйданчыгы итеп Казандагы Рәмиев ис. ИТ-паркы сайлануы өчен рәхмәт белдерде.
«Бильярд – бик матур спорт төре, - диде Рөстәм Миңнеханов. - Бирегә сәләтле һәм талантлы спортчылар җыелды».
Ул шулай ук спортчыларга бераз көнләшүен белдерде. «Бик кызыктыргыч – алты көн бильярд уйнарга! Сезнең командага ничек язылырга?»- дип шаяртты Рөстәм Миңнеханов, турнирда катнашучыларга мөрәҗәгать итеп.
Үз чиратында, Яков Фирсов Россия бильярд спорты федерациясе президенты, пирамида буенча халыкара Конфедерация президенты Павел Завальный кушуы буенча халыкара оешманың төп отличие билгесен тапшырды һәм кабул итүче якка рәхмәт белдерде. Ул шулай ук билгеләп үткәнчә, бүген Татарстан бильярд спортын үстерүнең төп үзәкләренең берсе булып тора. «Иң көчлесе җиңсен!»- дип теләде Яков Фирсов турнирда катнашучыларга.
Турнирны ачу тантанасы кысаларында Россия Федерациясе һәм Татарстан Республикасы гимннары яңгырады.
Рөстәм Миңнеханов бильярд өстәлендә символик рәвештә Пирамида ватып, турнирга старт бирде.
Бильярд спорты буенча халыкара турнир, бильярд спорты буенча Татарстан Республикасы Рәисе Кубогы (Дөнья Кубогы) ачылу тантанасында ир-атлар һәм хатын-кызлар арасында ТР Рәисе администрациясе җитәкчесе Әсгать Сәфәров, ТР Спорт министры Владимир Леонов, Казан мэры Илсур Метшин һәм башкалар катнашты.