Сулыш алу практикасы, бокс һәм аэробика: «УРАМ» экстрим-паркында ачык тренировкалар узачак
Бу якшәмбедә Казанның «УРАМ» экстрим-паркында бушлай тренировкалар сериясе, шул исәптән аэробика һәм балалар боксы узачак. Барлык чараларга да сылтама буенча теркәлергә мөмкин.
Сулыш алу практикасы буенча дәрес 11:00 сәгатьтә башлана. Үзең белән келәм, бер шешә су һәм уңайлы кием алырга кирәк булачак. Тренировкада укытучы диафрагма белән эшләргә өйрәтәчәк һәм сулыш күнегүләрен ничек башкарырга икәнен күрсәтәчәк. Дәрес 40 минут дәвам итәчәк.
Аэробика 12:30 га планлаштырылган. Күнегүләр өчен уңайлы кием, кроссовкалар һәм бер шешә су кирәк. Бер сәгатьлек дәресләргә бары тик балигъ булганнарны гына кертәчәкләр, шул ук вакытта йөрәк-кан тамырлары системасы һәм терәк-хәрәкәт аппараты авырулары булган кешеләргә, йөкле һәм операциядән соң килергә киңәш ителми.
13-16 яшьлек яшүсмерләр өчен 14:00 сәгатьтә бокс буенча дәресләр үткәреләчәк. Балалар чыдамлылыкны арттырачак һәм координацияне үстерәчәк. Үзең белән шулай ук уңайлы спорт формасын алырга кирәк. Дәрес бер сәгать дәвам итәчәк.
Казанлылар калистеникага да килә алачак, ул – функциональ тренировка һәм үз авырлыгы белән көч үстерүгә юнәлдерелгән күнегүләр комплексыннан тора. Шөгыль матдәләр алмашын тизләтергә һәм чыдамлыкны суыртырга ярдәм итәчәк. Оештыручылар келәм һәм уңайлы кием алырга киңәш итә. Монда яшь чикләве бар – 18 яшьтән өлкәнрәк кешеләр килә ала. Сәгатьлек күнегүләр 15:00 дә башлана.