Чирәмдәге хоккей буенча Россия Кубогында ярымфиналчылар ачыкланды

2024 елның 26 апреле, җомга

25 апрельдә Татарстан башкаласында үтүче чирәмдәге хоккей буенча Россия Кубогында мактаулы трофей өчен көрәшне дәвам итәчәк командалар билгеле булды. Алар А һәм Б төркемчәләрендәге уеннар нәтиҗәләре буенча билгеләнде.

Беренче ярымфиналда җиңү өчен Мәскәү өлкәсенең «Динамо-Электросталь» клубы һәм Мәскәүнең «Восток» хоккейчылары көрәшәчәк. Икенче матчта кәшәкәләрне Казанның «Динамо-Ак Барс» һәм Электростальнең «Динамо-Строитель» командалары катнаштырачак. Матчлар 27 апрельдә 14:00 һәм 16:00 сәгатьтә узачак.

Бу көнне финалга чыгу өчен уеннардан тыш, Брест «Төзүчесе» һәм башкала «Минск»ы 5 урын өчен уйнаячак. Старт сыбызгысы 12:00 дә яңгыраячак.