Әлмәт физик культура көллияте укытучысы 66 яшендә Казан марафонын йөгереп узган
10 майда Казанның үзәк урамнарында юбилей марафонының беренче көне тәмамланды. Спорт-массакүләм чара ел саен Татарстан башкаласында уза һәм үз йөгерүләренә 10 000нән артык йөгерүчене җыя, бу «Спорт — тормыш нормасы» федераль проекты «Демография» милли проекты максатларына туры килә.
Беренче көнне катнашучылар 3 км дистанциягә йөгерделәр. Йөгерү стартына Әлмәт физик культура көллияте укытучысы, Россиянең Урта һөнәри белем бирү оешмасының мактаулы хезмәткәре, хезмәт ветераны, ТР физик культура һәм спорт отличнигы Миңнур Рәсим кызы Латыйпова чыкты. 66 яшендә Миңнур Латыйп кызы 3 км ны 21 минут эчендә йөгергән.
Сүз уңаеннан, Миңнур Латыйпова марафонда көллиятнең бердәнбер вәкиле түгел иде. Аның белән бергә төрле дистанцияләргә уку йортының башка педагоглары һәм укучылары да чыкты.
«Безнең көллият командасы мондый әһәмиятле спорт вакыйгасында беренче тапкыр катнаша. Әлбәттә, минем педагог буларак, егетләребезгә ярдәм итәргә, спорт бәйрәмнәренең бер өлеше булырга теләдем. Әлмәттән Казанга бик күп хезмәттәшләр, укучылар килде, шул исәптән минем 41 төркемнән.
Мин дистанцияне җиңел йөгердем. Яхшы кәеф белән. Егетләр дә молодцы, барысы да булдыра алдылар һәм нәтиҗәдән канәгать!»,- дип тәэсирләре белән уртаклашты Миңнур Рәсим кызы.