«Нефтяник» спорт мәктәбе 2023-2024 елгы хоккей сезонын япты
13 майда «Нефтяник» хоккей әзерлеге үзәгенең боз аренасында 2023-2024 елгы хоккей сезонын ябуга багышланган тантаналы чара узды.
Бозга Россия беренчелегендә катнашкан барлык командалар чыкты. Аларның икесе, «Нефтяник-2007» һәм «Нефтяник-2010» сезонын тәмамлап, Идел буеның бронза медальләре яулады. Тагын берсе – «Нефтяник-2012» көмеш медальләр яулады.
Яшь спортчылар алдында сәламләү сүзләре белән «Татнефть» ГАҖ генераль директоры урынбасары, «Нефтяник» хоккей клубы президенты Ринат Шәфигуллин, күп кенә яшь хоккейчылар укый торган «Адымнар - Әлмәт» полилингваль гимназиясе директоры Илшат Яруллин, шулай ук «Нефтяник» капитаны Михаил Мокин чыгыш ясады.
Иң кече призерлар өчен икенче урынга хоккей клубы бүләк иткән Санкт-Петербургка экскурсия сәфәре күңелле өстәмә булды. Аренаның төп бизәге бу сезонда ВХЛда осталар командасы яулаган Петров кубогы булды.