Татарстан Республикасы Алексеевск районы – Казан марафоны йомгаклары буенча иң «йөгерүче» район
Ак Барс Банкының 10 нчы юбилей Казан марафоны Татарстанның иң «йөгерүче» районына конкурска йомгак ясады. Берсүзсез җиңү һәм төп приз-мини-футбол уйнау өчен универсаль спорт мәйданчыгын Татарстан Республикасының Алексеевск районы алды.
Икенче урынны Әлмәт районы алды-анда баскетбол һәм волейбол өчен спорт мәйданчыгы төзеләчәк. Конкурста өченче урынга урам тренажерлары куелган мәйданчык лаек булды – ул Югары Ослан районында барлыкка киләчәк.
Конкурсның төп максаты — татарстанлыларны спорт һәм сәламәт яшәү рәвеше кыйммәтләренә җәлеп итү. Анда районнар халкы да, предприятие һәм оешмалардан килгән командалар да катнашты.
«Быел Ак Барс Банкы Казан марафоны күпчелек күрсәткечләр буенча үзен уздырды. Шунысы куанычлы, Татарстан Республикасы районнары да моңарчы күрелмәгән активлык күрсәттеләр. Җиңүчеләрне котлыйм, алар лаеклы призлар алачак, алар физкультура һәм спорт белән шөгыльләнүгә тагын да күбрәк кешене җәлеп итәргә ярдәм итәчәк», – ди ТР Спорт министры Владимир Леонов.
Ярышларда җиңүчеләрне махсус формула буенча билгеләделәр – катнашучыларның санын, аларның яшен һәм алар теләк белдергән дистанцияне исәпкә алдылар. Бер районда катнашучыларның индивидуаль баллары бергә кушылды, бу рейтингның нигезе булды. Алексеевск районы — 6768, Әлмәт районы – 2989, Югары Ослан районы — 2512 балл җыйды.
Исегезгә төшерәбез, 11-12 май көннәрендә Казанда Ак Барс Банкының 10 нчы юбилей Казан марафоны узды. Чара Татарстан башкаласында рекордлы 28 052 катнашучыны – 17 ил һәм Россиянең 80нән артык төбәгеннән вәкилләрне җыйды һәм илдә иң эре төбәк марафоны статусын раслады.
Юбилей марафоны әһәмиятле вакыйгаларга бай булды. Аның кысаларында Казанда инде өченче тапкыр марафон буенча Россия чемпионаты узды, анда әлеге дисциплинаның иң көчле вәкилләре катнашты. 3 һәм 10 км га йөгерү 11 майда, 21.1 һәм 42.2 км га 12 майда узды. 10 майда шулай ук балалар өчен TIMERKIDS йөгерешләре һәм илдә әлегә шуышып кына йөрүче бердәнбер сабыйлар өчен TIMERBABY ярышлары узды.