Казанда «Уенда бул»тэг-регби буенча республика мәктәп лигасы финалы узачак

2024 елның 17 мае, җомга

20 майда «Тулпар» стадионында «Уенда бул» тэг-регби буенча республика мәктәп лигасының IV сезоны финалы узачак. Район һәм шәһәр ярышлары йомгаклары буенча иң яхшы 32 команда билгеләнде.

Быел сайлап алу ярышларында Татарстанның 14 районыннан: Алексеевск, Әлмәт, Арча, Балтач, Буа, Алабуга, Яшел Үзән, Лаеш, Лениногорск, Түбән Кама, Саба, Теләче, Чистай һәм Яр Чаллы шәһәрләреннән 2000гә якын укучы катнашты.  

Тэг-регби буенча мәктәп лигасы Татарстан регби федерациясе тарафыннан «Регби буенча республика спорт мәктәбе» ДБУ белән берлектә, Татарстан Республикасы Мәгариф министрлыгы һәм спорт министрлыгы ярдәмендә үткәрелә.