Сабитовлар гаиләсе Татарстанны ВДНХда Бөтенроссия спорт парадында тәкъдим итте
25 майда Мәскәүдә уникаль вакыйга — Кызыл мәйданда беренче спорт парадын уздыруга 105 ел тулуга багышланган спорт йөреше узды. Чарада 2000нән артык спортчы, физкультурачы, спорт ветераннары һәм башка спортны һәм актив яшәү рәвешен яратучылар катнашты.
Чараның максатлары «Спорт — тормыш нормасы» федераль проектының «Демография»милли проектының бурычларына туры килүен билгеләп үтәргә кирәк.
Татарстан Республикасын парадта Татарстанда ГТО хәрәкәтендә актив катнашучы Сабитовлар гаиләсе тәкъдим итте. Илебезнең 230 ГТОшнигы белән бергә алар Россиянең спорт гаиләләре йөрешендә узды. Моннан тыш, гаилә башлыгы Артур Сабитовка Россия Федерациясе субъектлары парады вакытында Татарстан Республикасы флагын күтәреп бару бурычы йөкләнде.
«Бу шундый масштаблы вакыйганың катнашучысы булу акылга сыймаслык хис. Россия башкаласында, ВДНХда син бөтенроссия дәрәҗәсендәге масштаблы парадта катнашасың. Татарстан флагын күтәреп бару дулкынландыргыч, чөнки бу вакытта син үз төбәгеңнең барлык спорт җәмәгатьчелеген тәкъдим итәсең.
Гаиләбезгә мондый мөмкинлек бирелүенә мин бик шат. Бу хис-кичерешләр безнең белән гомер буена калачак», - дип уртаклашты парадтан соң Артур Сабитов.
Бөтенроссия спорт парады «Россия» Халыкара күргәзмә-форумы ярдәмендә узды.