Әлмәттә муниципаль хезмәткәрләр арасында өстәл теннисы буенча ярышлар узды
31 майда Әлмәт шәһәренең «Мираж» спорт-сәламәтләндерү комплексы манежында Татарстан Республикасы муниципаль хезмәткәрләре Спартакиадасы кысаларында Өстәл теннисы буенча ярышлар узды. Спорт ярышларында бөтен республикадан 11 команда катнашты.
Аларны Әлмәт муниципаль районы башлыгы Тимур Нагуманов сәламләде.
«Бүген шәһәребез Татарстанның төрле почмакларыннан килгән иң яхшы муниципаль хезмәткәрләр командаларын җылы кабул итә. Сез үзегезнең тыгыз графикта актив спорт өчен урын һәм вакыт табасыз һәм бу бик шәп. Уен үзен спортта күрсәтергә мөмкинлек бирсен, халкыбыз файдасына нәтиҗәле эшләргә рухландырсын», - дип билгеләп үтте ул үз чыгышында.
Ярышлар йомгаклары буенча урыннар түбәндәгечә бүленде:
1 урын – Азнакай муниципаль районы;
2 урын – Казан;
3 урын – Әлмәт.