«Яшел марафон»ны 2,5 меңнән артык казанлы йөгереп узды
Барлыгы 2,5 меңнән артык кеше Кремль яр буенда «Яшел марафон»да катнашу яки йөгерүчеләргә ярдәм итү өчен җыелган.
Балалар өчен 420 метрга, өлкәннәр өчен 4,2 км һәм 10 километрга йөгерү булды. Бу 11 нче «Яшел марафон», Казан йөгерү башланган 60 шәһәрнең берсе булды.
4,2 км дистанциядә ир-атлар арасында Гафиятуллин Адель беренче булды, хатын-кызлар арасында беренче урынны Хабарова Виктория, ә гаилә йөгерешендә Сандуловлар гаиләсе алды.
10 км дистанциядә ир-атлар арасында беренче булып Кашапов Ринат, хатын-кызлар арасында беренче урынны Артемьева Ольга алды.
Ярышларда катнашучыларга ярдәм итәргә 39 тапкыр Россия чемпионы, 400 метрлы комплекслы йөзү һәм 200 метрлы баттерфляй дистанцияләрендә берничә тапкыр Россия рекордсмены, Афина, Пекин һәм Лондондагы өч Олимпия уеннарында катнашучы һәм финалистка, СССР һәм Россия тарихында 400 метрлы комплекслы йөзү дистанциясендә дөнья чемпионатында медаль яулаган бердәнбер спортчы Яна Мартынова һәм Татарстан Республикасы спорт министры урынбасары Алмаз Хөсәенов килде. Алар йөгерүчеләргә җиңел дистанция теләделәр һәм спортны үз тормышларына кертергә җыенучылар өчен берничә киңәш белән уртаклаштылар.
Мәйданчыкта төрле активлыклар оештырылды: иҗат коллективлары чыгыш ясаган концерт программасы, күпсанлы мастер-класслар, уеннар һәм анимация белән балалар зонасы, өлкәннәр һәм балалар өчен спорт зоналары.
Чараның федераль партнерлары булып СберСтрахование компаниясе тора.
Рәсми партнерлар булып Сбермаркет чыгыш ясады. Аның мәйданчыгында зур шашка уйнарга, үзеңне силомерда сынап карарга һәм розыгрышта катнашырга мөмкин иде. «21 нче мәктәп» - Сбердан түләүсез цифрлы технологияләр мәктәбе шулай ук күңел ачу өчен интерактив зона әзерләгән.
Мәгълүмати партнерлар БИМ-радио һәм Геосервис 2ГИС булды, ул вакыйгада катнашучылар өчен «Картадагы дуслар» яңа функциясен тәкъдим итте.
Food-партнер булып РОКНРОЛЛЫ кафесы челтәре чыгыш ясады.
«Будет чисто»-«Чиста булсын», «Чистые игры»-«Чиста уеннар» проектлары, шулай ук «Торак-коммуналь хуҗалык предприятиесе» идарәче компаниясе эко-партнерлар булачак.
Яна Мартынова, өч Олимпия уеннары финалисты һәм катнашучысы, йөзү буенча дөнья чемпионатының көмеш призеры, сигез тапкыр Россия чемпионы:
«Мине шундый бәйрәмгә чакырулары өчен бик рәхмәтле. Шундый шәп, мин монда күп балаларны күрәм, ә бу аларның әти-әниләре аларга балачактан ук спортка мәхәббәт тәрбияли дигән сүз. Сез зур молодцы! Бу бик шәп, бу сәламәтлек һәм тормыш өчен кирәк. Сезгә күңел ачуыгызны, яңа танышларыгызны табуыгызны телим. Сәламәт һәм бәхетле булыгыз!»
Алмаз Хөсәенов, Татарстанның спорт министры урынбасары:
«Сезне бүгенге бәйрәмдә – «Яшел марафон» йөгерешендә сәламләвемә шатмын. Казандагы бер генә йөгерешне дә калдырмаган дусларымны да күрүемә шатмын. Инде күп еллар бу спорт ярышлары Татарстан Республикасында уза һәм, әлбәттә инде, без һәрвакыт яңа чакырулар, яңа чаралар һәм үзләренең иң яхшы нәтиҗәләрен күрсәтергә һәм, беренче чиратта, бу спорт бәйрәменнән ләззәт алырга теләүчеләрне кабул итәргә шат. Барыгызга да җиңел аяк».
Руслан Сәлимов, Сбербанкның «Татарстан Банкы» бүлекчәсе идарәчесе:
«Быел без Яшел марафонны традицияләрне һәм инновацияләрне берләштергән гаилә-йөгерү фестивале буларак күрсәтәбез. Бүгенге көн – Балаларны яклау көне очраклы гына сайланмаган. Чараны без Сбербанкының «Киләчәккә өлеш» Хәйрия фонды белән берлектә үткәрәбез. Безнең бурыч – менталь үзенчәлекләре булган балалар мәктәпкә әзерләнә алсын өчен акча җыю, чөнки аларның кайберләренә яшьтәшләренә караганда парта артында утырырга, нәрсәдер сорарга кирәк булганда кул күтәрергә, укытучылар һәм яшьтәшләр белән аралашырга өйрәнү авыррак. Әгәр аларга вакытында җайлашырга ярдәм итсәң, боларның барысы да мөмкин. Яшел марафон ярдәмендә җыелган акчалар квалификацияле педагоглар белән балаларның шәхси дәресләренә түләүгә китәчәк».