«Ак Барс-Динамо» 11 нче мәктәп-интернатта балаларны яклау көне уңаеннан балалар белән очрашты

2024 елның 4 июне, сишәмбе

Балаларны яклау көне алдыннан «Ак Барс-Динамо» футбол клубы Дәрвишләр бистәсендәге «Казанның 11нче мәктәп-интернатында» булды. 

Укучылар һәм педагоглар алдында тантаналы линейкада клуб директоры Валерий Юрий улы Носов, Россия җыелма командасы сакчысы Данияр Сәмигуллин һәм клубның матбугат атташесы Раил Вилданов чыгыш ясады.

Балалар клубтан бүләкләр алдылар, шул исәптән атрибутика һәм мини-футбол өчен туплар комплекты. Рәсми өлештән соң «Ак Барс-Динамо» уенчылары мәктәп балаларына Каршы мини-футбол буенча матч үткәрде, ә иң яхшы уенчыларга «ТР Динамо» физкультура-спорт җәмгыяте спорт формасы тапшырды.

Чара клуб оештырган бәйрәм өстәле артында аралашу белән тәмамланды, анда уенчылар һәм балалар дусларча вакыт үткәрделәр.