Татарстанлылар Кытайда кендо буенча халыкара турнирда җиңү яулады
1-2 июнь көннәрендә Кытайның Шицзячжуан шәһәрендә кендо буенча традицион чемпионат – XVII ачык Ляньцзинь Кубогы узды. Ярышлар 400дән артык иң көчле спортчыны — 53 ир-ат һәм 23 хатын-кыз командаларын берләштерде. Россиялеләрдән һәм Кытай вәкилләреннән тыш, трофейлар өчен Кытайда яшәүче японнар да көрәште.
Хатын-кызлар арасында шәхси ярышларда бронзага Япониядә практика узучы Казан федераль университетының икенче курс студенты Вероника Казакевич лаек булды. Ир-атларның шәхси ярышларында шулай ук Казаннан Никита Толкишевский көмеш призер булды. Татарстаннан Россия җыелма командасы составында 4 спортчы катнашты: Вероника Казакевич, Никита Толкишевский, Тимур Сәйфетдинов һәм Анатолий Сигал.
Команда зачетында Вероника Казакевич, Олеся Зимина, Агата Тюнякина, Ольга Машталер һәм Мария Пономарева составындагы Россия хатын-кызлар җыелма командасы финалга кадәр барып җитте, чемпионат хуҗаларына гына оттырды һәм ярышларның көмеш призеры булды.
Моннан тыш, җилкәсенә Россия әләмен күтәреп, җиңүне Наталья Степанова бәйрәм итте, ул составында бронза призер булган Кытай командаларының берсе өчен легионер булып чыгыш ясады.
Ә менә Россиянең ир-атлар җыелма командасы 1/8дә Япония командасына оттырды.