Татарстан Республикасы җыелма командасы «Россия яшьләре» турнирының ярымфиналына чыкты

2024 елның 10 июле, чәршәмбе

Казанда 13-16 яшьлек кызлар арасында чирәмдәге хоккей буенча «Россия яшьләре»  бөтенроссия ярышларының башлангыч этабы тәмамланды. Исегезгә төшерәбез, турнир «Демография» милли проектының «Спорт — тормыш нормасы» федераль проекты максатларына туры китереп үткәрелә һәм укучыларның җәйге Спартакиадасына сайлап алу булып тора.

«Динамо» спорт мәктәбендә тәрбияләнүче Татарстан Республикасы командасы төркемчәдә 1 нче урыннан ярымфиналга чыкты.

11 июльдә кызлар финалга чыгу өчен көрәшәчәк. 16:50дә чирәмдәге хоккей үзәге кырында команда Краснодар төбәге җыелмасына каршы уйнаячак.