Татарстан җыелма командасы Россия укучыларының шахмат буенча XII Бөтенроссия спартакиадасында «көмеш» яулады
Барнаул шәһәрендә Россия укучыларының XII җәйге Спартакиадасы финалы кысаларында шахмат турниры тәмамланды. Спартакиада медальләре өчен Россиянең төрле төбәкләреннән 16 команда көрәште, аларның составы 17 яшькә кадәрге (2008-2009 елгы) 2 егет һәм 2 кыздан торды.
Татарстан Республикасы җыелма командасы составына Р.Г. Нәҗметдинов исемендәге шахмат, шашка, го буенча республика спорт мәктәбенең спортчылары — спорт мастерлыгына кандидатлар Муса Закиров һәм Азалия Мифтахова, Чаллы шәһәренең «Этюд» спорт мәктәбе спортчысы, спорт мастерлыгына кандидат Леонид Леимов һәм Кукмара шахматчысы, спорт мастерлыгына кандидат Зөләйха Хуҗина керде. Команда вәкиле - Р.Г. Нәҗметдинов исемендәге шахмат, шашка, го буенча республика спорт мәктәбенең тренеры халыкара оста Самусенко Максим Александр улы.
7 тур дәвамында Татарстан командасы Тула өлкәсе, Свердловск өлкәсе, Мәскәү һәм Санкт-Петербург командаларын 4 тапкыр җиңеп, Башкортостан Республикасы, Новосибирск өлкәсе һәм Ростов өлкәсе командалары белән 3 тигез исәптә уйнап, 11 команда очкосы җыеп, икенче урынны алды.
Ярышлар 3 августтан 8 августка кадәр Барнаул шәһәрендә (Алтай өлкәсе) узды.
Турнир нәтиҗәләре:
1 урын — Башкортостан Республикасы
2 урын — Татарстан Республикасы
3 урын — Новосибирск өлкәсе