Буада Физкультурачылар көнен билгеләп үттеләр
Һава шартлары аркасында Физкультурачылар көненә багышланган тантаналы чара «Импульс» спорткомплексында узды.
Бәйрәмдә катнашучылар спорт уеннарында ярыштылар: капчык киеп йөгерү, аркан тартышу, карлыгачларда йөгерү һ.б. Иң актив гаилә — Айрат һәм Аня Җәлалдиновлар гаиләсе билгеләп үтелде.
Физкультурачылар көне кысаларында шәһәр һәм район тренерларына, спортчыларына ведомство бүләкләре тапшырылды. Шулай ук юбиляр Вашурин Валентин Дмитрий улы та кыйммәтле бүләккә лаек булды, ул үзенең 90 еллыгын билгеләп үтте һәм 35 ел Буа шәһәрендә (2 нче лицей) физик культура һәм спорт укытучысы булып эшләде.
Шунысын да билгеләп үтәргә кирәк, елдан-ел спорт белән күбрәк кеше шөгыльләнә башлый. Моңа «Спорт — тормыш нормасы» федераль проектын «Демография»илкүләм проектын гамәлгә ашыру да ярдәм итә. Шуның нәтиҗәсендә шәһәрләрдә генә түгел, авыл җирлекләрендә дә спорт объектлары торган саен күбрәк төзелә.