Татарстан бадминтончылары – Юрий Гагаринга багышланган турнир призерлары

2024 елның 19 августы, дүшәмбе

15-18 август көннәрендә Саратовта беренче космонавт Юрий Гагаринга багышланган бадминтон буенча XI Бөтенроссия ярышлары узды. Чыгышлар нәтиҗәләре буенча татарстанлылар 5 медаль яуладылар.

Ир-атлар арасында ялгыз разрядта чемпион титулын Сергей Сирант отты, ә көмеш медальне – Никита Мулеев. Сүз уңаеннан, бу тандем ир-атлар парлы разрядында бронза отты.

Катнаш парлы разрядта Регина Галиәхмәтова Мәскәү өлкәсеннән Глеб Степаков белән парда көмеш призер булды. Никита Мулеев Санкт-Петербургтан Алена Яковлева белән парда бронза алды.