«Ак Барс» иптәшләрчә матчта «Нефтяник»ны җиңде
17 августта «Татнефть Арена»да Казанның «Ак Барс» һәм Әлмәтнең «Нефтяник» командалары арасында иптәшләрчә матч булды. Очрашуның дүртенче минутында «Ак Барс» капкасына беренче гол кертүгә карамастан, казанлылар тәнәфескә кадәр тигезлекне торгыза алдылар. Икенче периодта Казан командасының ике алкасыннан соң әлмәтлеләр артта калуны минимумга кадәр киметә алды, 3:2. Икенче тәнәфескә кадәр командалар төгәл һөҗүмнәр белән алмаштылар – командалар тәнәфескә 4:3 исәбе белән киттеләр. Йомгаклау уен өлешендә командалар яңадан голлар белән алмаштылар. Соңгы секундларда «Нефтяник» уенга капкачысыз күчте һәм алтынчы алканы керттерде. Җиңү Казан хоккейчылары кулында калды, 6:4.
Шунысын да билгеләп үтәргә кирәк, «Нефтяник»ка каршы икенче уенга «Ак Барс» яшь составны чыгарды. Составында 2005 елда Әлмәттә тәрбияләнүче сакчы Рәшит Сәмигуллин да урын алды.