БДБ таможня хезмәтләре кинологлары Казанда ярыша
2 сентябрьдә Мирный бистәсендәге «Динамо» спорт үзәге базасында БДБ илләре таможня хезмәтләренең кинология структуралары беренчелегенә хезмәт этләре белән XII ярышны ачу тантанасы булды.
2024 елның 2 сентябреннән 6 сентябренә кадәр Казанда узачак чараларда Азәрбайҗан Республикасы, Беларусь Республикасы, Әрмәнстан Республикасы, Кыргызстан Республикасы, Россия Федерациясе таможня хезмәтләре вәкилләре, шул исәптән БДБ илләре таможня хезмәтенең хезмәт этләре булган кинология үзәкләре (бүлекчәләре) җитәкчеләре һәм белгеч-кинологлар катнаша.
Ярышларны ачу тантанасында катнашучыларны Идел буе оператив таможнясы башлыгы Александр Алексеичев, Идел буе оператив таможнясы башлыгының беренче урынбасары Константин Зорин, Россия Федераль таможня хезмәтенең үзәк таможня – кинология үзәге башлыгы Алексей Черкавский, Татарстан Республикасы «Динамо» ФСҖ ИДО Рәисенең беренче урынбасары Салават Гайсин, Татарстан таможнясы башлыгы Марат Гәрәев сәламләде.
Ачылу тантанасында кунаклар өчен рус һәм татар халык җырлары һәм биюләре башкарылды.
Татарстан башкаласына ярышларга килгән хезмәт этләренең махсуслашуы – наркотиклар эзләү.
Ярышлар түбәндәге дисциплиналарда уздырыла:
- Эзләү эше
Күнегү: йөк транспортында наркотиклар эзләү
Күнегү: җиңел транспортта наркотиклар эзләү
Күнегү: багажда наркотиклар эзләү
Күнегү: бинада наркотиклар эзләү
- Тыңлау
- Шәхси зачет
- Команда зачеты
Җиңүчеләрне бүләкләү 2024 елның 5 сентябрендә 12:00 сәгатьтә «Динамо» сәүдә үзәгендә узачак.
Шул ук чорда «БДБ илләре таможня органнарының хезмәт этләре белән белгеч-кинологлар арасында ярышларны оештыруның һәм уздыруның актуаль проблемалары. Белгечләр-кинологлар һәм хезмәт этләре чыгышларын бәяләү критерийларын камилләштерү» тема буенча семинар үткәреләчәк.
Әйтергә кирәк, алдагы ярышлар узган җәйдә Гянджа шәһәрендә (Әзербайҗан) Дәүләт таможня комитеты базасында узды.
Мондый чаралар кинология хезмәтләренең наркотикларга каршы көрәштә һәм куркынычсызлыкны тәэмин итүдә мөһимлеген ассызыклый. Мондый ярышлар белгечләр арасында тәҗрибә алмашуга ярдәм итеп кенә калмый, ә хезмәт этләренең әзерлек дәрәҗәсен дә арттыра.