Владимир Леонов – җиңүләргә 10 ел!
Бүген без Владимир Александр улы Леоновның ведомство министры вазыйфасына керешүенә 10 ел тулуны билгеләп үтәбез.
2014 елның 17 сентябрендә Владимир Леонов Татарстан Республикасының яшьләр эшләре һәм спорт министры вазыйфасына билгеләнде. 2018 елда ведомство исемен үзгәртте, бары тик спортныкы гына калды.
Татарстан Республикасы спорт министрлыгы Владимир Александр улы җитәкчелегендә 10 ел эшләү дәверендә республикада 30дан артык эре халыкара вакыйга узды, алар арасында су спорт төрләре буенча дөнья чемпионаты (2015), Конфедерацияләр Кубогы (2017), Футбол буенча Дөнья Чемпионаты (2018), БДБ илләре уеннары (2021), Су спорт төрләре буенча комплекслы ярышлар «Дуслык уеннары» (2022), Фиджитал уеннары (2023), киләчәк уеннары һәм БРИКС илләре уеннары.
Татарстан өч тапкыр илнең иң спортлы төбәге булды. 2018 елда Россия Спорт министрлыгының милли спорт премиясендә безнең республика Иң спорт төбәге статусын алды, аннары СБК журналы йомгакларында Татарстан ике ел рәттән спорт тармагын үстерү өлкәсендә иң яхшы төбәк дип аталды.
10 ел эчендә Татарстанда спорт корылмалары саны 1594 берәмлеккә арткан. Министр үз вазыйфасына керешкән вакытта корылмалар саны 10 226 тәшкил иткән, бүген бу сан 12 меңгә җитә (2024 елның гыйнварына 11 820). Физик активлыкны һәм спортны яратучы халык саны да артты. Системалы рәвештә спорт белән шөгыльләнүче гражданнар өлеше 2014 елда - 37,4%, 2024 елда - 63%. Бүген йөгерүләрдә, хәйрия һәм корпоратив турнирларда катнашу, шулай ук йөзү һәм балаларны спортка бирү популярлашты.
Сезгә ярдәмегез, спортка һәм сәламәт яшәү рәвешенә зур мәхәббәтегез өчен рәхмәт белдерәбез! Беркайчан да ирешелгәннәрдә тукталып калмагыз һәм яңадан-яңа биеклекләргә ирешегез, ә без һәрвакыт янәшә булачакбыз, ышанычлы тыл булдырачакбыз һәм сезгә ярдәм итәчәкбез.