Казанда теннис буенча Россия чемпионатында 2 600 000 сум уйнаячаклар
20-29 сентябрьдә Казан теннис академиясендә теннис буенча Россия чемпионаты узачак. Спортчыларны 2 600 000 сумлык приз фонды көтә.
Турнир 5 разрядта уздырыла: хатын-кызлар арасында ялгыз разряд, ир-атлар арасында ялгыз разряд, хатын-кызлар арасында парлы разряд, ир-атлар арасында парлы разряд, катнаш парлы разряд.
Татарстан Республикасы җыелмасыннан Валерия Швецова, Милана Сафиуллина, Милина Субханкулова, Полина Кратюк, Марат Шәрипов һәм Руслан Тюкаев чыгыш ясаячак.
Ярышлар программасы:
23 сентябрь, 12:00 – турнирны ачу тантанасы
23-29 сентябрь – ялгыз, парлы һәм катнаш парлы разрядларда матчлар
27 сентябрь – катнаш парлы разрядта бүләкләү (матчлар тәмамланганнан соң)
29 сентябрь – ялгыз һәм парлы разрядларда бүләкләү (матчлар тәмамланганнан соң)
Кортлар өслеге – бинада хард, 8 корт.