Алексей Песошин «Шәрык Кубогы» балалар турниры ачылышында: мондый чаралар балаларга дуслар табарга һәм осталыкларын күрсәтергә мөмкинлек бирә
Бүген Татарстан Премьер-министры Алексей Песошин «Көнчыгыш Кубогы» халыкара балалар турнирын ачу тантанасында катнашты. Чара «Яшь гвардия» балаларны савыктыру лагере базасында (Казан, Горький шоссесы) узды.
Турнирда катнашучыларны һәм спортчыларны Татарстан Республикасы Рәисе Рөстәм Миңнеханов һәм Татарстан Республикасы Хөкүмәте исеменнән Алексей Песошин сәламләде: «Футбол традицион рәвештә татарстанлылар арасында иң массакүләм һәм яраткан спорт төрләренең берсе булып тора. Республикабызда бу спорт төре белән 64 меңнән артык кеше шөгыльләнә».
Татарстан Республикасы Министрлар Кабинеты башлыгы хәбәр иткәнчә, бүген республикада спорт инфраструктурасын үстерүгә зур игътибар бирелә – спорт мәйданчыклары һәм заллар, футбол кырлары һәм манежлар төзелә. Ул турнирны уздыру инициативасы өчен «Рубин» футбол клубына рәхмәт белдерде. «Мондый чаралар балаларга яңа дуслар табарга һәм үз осталыкларын күрсәтергә мөмкинлек бирә», - диде ул.
«Көнчыгыш Кубогы» турнирына Әзербайҗан, Казахстан, Кыргызстан, Үзбәкстан, Согуд Гарәбстаны һәм Берләшкән Гарәп Әмирлекләре спортчылары катнашуы аерым статус бирә.
Алексей Песошин барысын да «Шәрык Кубогы» халыкара балалар турниры ачылу белән котлады һәм яхшы кәеф теләде, ә катнашучыларга кызыклы, мавыктыргыч һәм матур уен теләде. Турнирны уздыру күркәм традициягә әверелер дип ышанам, диде Татарстан Премьер-министры.
Кунакларны һәм чарада катнашучыларны Азия футбол конфедерациясе президенты киңәшчесе Фәхад Абдулла Муса әл-Раиси сәламләде.
Ачылышта Татарстан Республикасы спорт министры Владимир Леонов, «Рубин» футбол клубы КАО идарәсе Президенты, Федераль салым хезмәтенең Татарстан Республикасы буенча идарәсе җитәкчесе Марат Сафиуллин катнашты.