Владимир Леонов һәм Михаил Афанасьев Яшел Үзән шәһәрендә футбол манежы төзелешен карадылар
Татарстан Республикасы спорт министры Владимир Леонов һәм Яшел Үзән районы башлыгы Михаил Афанасьев "ФИЗРА "Спорт үзәге“ төзеләчәк урында булдылар, ул актив тормыш рәвешен яратучылар өчен чын бүләк булачак.
Яңа спорт объекты Зеленодольск шәһәренең Сәйдәшев урамында урнашачак. Комплекс составына өч заманча футбол кыры, уңайлы кафе һәм өстәмә спорт зоналары керәчәк. Объект «Демография» милли проектының максатларына ирешергә ярдәм итүче «Бизнес-спринт» дәүләт партнерлыгы проектын гамәлгә ашыру кысаларында төзелә.
Спорт министры билгеләп үткәнчә, үзәк футбол белән шөгыльләнү һәм шәһәр халкының һәм кунакларының ялын үткәрү өчен иң яраткан урыннарның берсе булачак:
«2023 елда Дәүләт һәм шәхси парнерлык механизмы буенча "Физра " компаниясе белән берлектә Әлмәттә һәм Чаллыда ике футбол манежы төзелде. Аларның һәрберсендә 40 х 25 м һәм 31 х 17 м зурлыктагы икешәр уен кыры бар.2024 елга планнарда – Казанда һәм Яшел Үзәндә тагын ике Манеж төзү. Анда 40х25м, 30х17м һәм 16х13м зурлыктагы өчәр кыр булачак. Спорт объекты җирле футбол сөючеләрне җәлеп итә торган үзәк булыр дип ышанам", - дип билгеләп үтте министр.
Килешү нигезендә вакытның 50% ы муниципалитетка биреләчәк, аның кысаларында халык бушлай нигездә шөгыльләнә алачак. Төзелешне тәмамлау 2025 елның 4 кварталына планлаштырылган.