Татарстан тхэквондо буенча Россия чемпионатында алтын һәм ике бронза медаль яулый
16-22 апрельдә уза торган тхэквондо буенча Россия чемпионаты 49 төбәктән 400 гә якын спортчыны Дагыстан Республикасының Каспийск шәһәрендә җыйды. Биш көн дәвамында илнең иң көчле атлетлары 16 үлчәү категориясендә медальләр өчен көрәштеләр.
ВТФ тхэквондо буенча Россия чемпионатының дүртенче ярыш көне Татарстаннан динамочылар командасы өчен яхшы нәтиҗәләр китерде. Спортчылар, үзләренең югары осталык дәрәҗәсен раслап, бер алтын һәм ике бронза медаль яуладылар.
Ханмагомед Рамазанов 74 кг га кадәр авырлык үлчәмендә искиткеч техника һәм җиңүгә омтылыш күрсәтеп алтын медаль яулады. Бронза медальләр Эмиль Алиевка (80 кг га кадәр авырлык категориясендә) һәм Елизавета Рожинага (53 кг га кадәр авырлык категориясендә) эләкте, алар да бик яхшы нәтиҗәләр күрсәттеләр.
Элегрәк, 17 апрельдә, 58 кг га кадәр авырлык үлчәмендә Сергей Кирсанов медаль яулады.
Спортчыларны әзерләү белән тәҗрибәле тренерлар Сергей Титкин һәм Александр Лукьянов шөгыльләнде, аларның эшләре һәм ярдәмнәре әлеге ярышларда уңыш нигезе булды.