Парашют спорты буенча Татарстан командасы М.Н. Евтюхин истәлегенә уздырылган Бөтенроссия ярышларында җиңү яулады
18-21 июльдә Йошкар-Ола шәһәрендә Россия ДОСААФ аэродромында Россия Герое М. Н.Евтюхин истәлегенә һәм Псков десантчыларының 6 нчы ротасы батырлыгына багышланган парашют спорты буенча Бөтенроссия ярышлары узды.
Ярышларда Россиянең 11 субъектыннан: Марий Эл, Татарстан, Башкортостан, Самара, Саратов, Ульяновск, Төмән, Мәскәү өлкәләреннән, Ханты-Манси автономияле округыннан, Санкт-Петербург шәһәреннән 55 спортчы, 15 команда һәм оборона ведомстволары һәм оешмалары командалары катнашты. Спортчы-парашютчылар «җиргә төшү төгәллеге»дисциплинасында ярыштылар.
Киеренке көрәштә ТР Үзәк спорт мастеры Говорова Анджела, спорт мастерына кандидатлар Мәһдиева Рамилә һәм Хөснуллин Илнурдан торган Татарстан командасы 2 урынны яулады., Санкт-Петербург командасына гына оттырып.
Чираттагы тапкыр спортчы-парашютчы халыкара класслы спорт мастеры Анджела Говорова, биш сикерүдә 6 сантиметр югары техник нәтиҗә күрсәтеп, әлеге турнирның җиңүчесе булды һәм Татарстан копилкасына тагын бер алтын алып кайтты.