Владимир Леонов Идел буе университетының укыту ресторанын бәяләде
Татарстан Республикасы спорт министры Владимир Леонов Идел буе университетының «уку рестораны» белем бирү лабораториясендә булды. Уку рестораны ярдәмендә киләсе елда өстәмә белем бирү программаларын тыңлаучылар һәм югары уку йорты студентлары кунакчыллык өлкәсендә һөнәри күнекмәләрен үзләштерә башлаячаклар. Экскурсияне ректор Рафис Борһанов һәм беренче проректор Азат Шәрәпов үткәрде. Алар ассызыклаганча, укыту рестораны проекты «Туризм һәм кунакчыллык»милли проекты кысаларында гамәлгә ашырылган.
Укыту рестораны укучыларга актуаль белем һәм практик тәҗрибә алырга, шулай ук комплекслы туристик продукт формалаштыруда туклану индустриясенең нинди роль уйнавын аңларга мөмкинлек бирәчәк. Анда дәресләр уку процессының мәҗбүри өлеше булачак һәм заказлар кабул итү, кунакларга хезмәт күрсәтү һәм көтелмәгән хәлләрне хәл итү күнекмәләрен эшләп чыгарырга ярдәм итәчәк. Моның өчен чын эш урыннары җиһазландырылган: бар стойкасы, R-Keeper һәм Iiko аппарат комплексы, официантлар өчен станцияләр.
Лабораториядә шулай ук ресторан белән идарә итү дәресләре дә каралган: меню формалаштыру, аны системага кертү, утырту схемаларын төзү һәм өстәлләрнең эшен анализлау. Моннан тыш, укыту ресторанында төрле форматта кабул итү мөмкинлеге бирәчәк җиһазлар да бар: банкетлардан алып фуршетларга кадәр. Лабораториядә урнаштырылган аудиаль-визуаль система ярдәмендә дәресләрне онлайн-форматта реаль вакыт режимында үткәрергә мөмкин.
Экскурсия азагында Владимир Леонов ассызыклаганча, «укыту рестораны» мәгариф лабораториясе – лаеклы проект.