Россия халыклары Спартакиадасы башланырга 100 көн кала
Россия халыклары Спартакиадасы башланырга 100 көн кала. Елның төп милли турнирын ачу тантанасы 2026 елның 8 августында булачак. Стартлар Россиянең җиде төбәгендә, шул исәптән Татарстанда да узачак.
Спартакиада Россия Президенты Владимир Владимирович Путин кушуы буенча уздырыла. Президентның Россия халыклары бердәмлеге елын уздыру турындагы Указы нигезендә, Россия спорт министрлыгы инициативасы белән, быел зур бөтенроссия ярышлары тарихи исем астында – Россия халыклары Спартакиадасы уздырылачак. Яңа исем спорт аша бердәмлекне, төбәкара хезмәттәшлекне һәм милли үзенчәлекне ныгытуга юнәлдерелгән ярышның иҗтимагый әһәмияткә ия булуын символлаштыра.
"Нәкъ 100 көн безне Россия халыклары Спартакиадасы – Лос-Анджелестагы 2028 елгы Олимпия уеннарына Россия җыелмасына сайлап алуның төп этабы ачылышыннан аерып тора. Елның төп комплекслы милли ярышларының тарихи атамасына – Халыклар Спартакиадасына әйләнеп кайтуы символик мәгънәгә ия, бу традицияләрнең дәвамлылыгын һәм илебезнең бердәмлеген ассызыклый. Мондый турнирлар нәтиҗәсендә Без спортны Россиянең барлык төбәкләрендә яшәүче һәр кешегә якынайтабыз.
Россия спорт министрлыгы, Россия Олимпия комитеты һәм Бөтенроссия спорт федерацияләре белән берлектә, Лос-Анджелестагы Олимпиадада тулы состав белән чыгыш ясау өчен, безнең спортчыларны халыкара аренага тулысынча кайтару буенча системалы эшне дәвам итә.
Россия җыелмаларының беренче эре халыкара турнирлардагы нәтиҗәләре безнең командаларның әзерлек дәрәҗәсе югары булуын күрсәтә. Димәк, Спартакиадада без конкуренциянең югары дәрәҗәсен күрәчәкбез. Барыгызны да Россиянең иң көчле спортчылары каршылыгын күзәтергә чакырам", - дип билгеләп үтте Россиянең спорт министры, Россия Олимпия комитеты рәисе Михаил Дегтярев.
Ярышлар Россиянең җиде төбәгендә узачак. Үзәк мәйданчык Свердловск өлкәсе булачак. Шулай ук стартларны Башкортостан Республикасы, Татарстан Республикасы, Калининград, Омск, Самара һәм Чиләбе өлкәләре кабул итәчәк. Спартакиаданы ябу тантанасы Уфада узачак.
Ярышлар программасында самбоны да кертеп, 43 олимпия спорт төре бар. Барлыгы 362 комплект бүләк уйнатылачак. Спартакиадада төбәкләрнең җыелма командалары өчен чыгыш ясаячак тугыз меңнән артык спортчы катнашыр дип көтелә.
Спартакиаданы тәкъдир итү 3 июньнән 6 июньгә кадәр Санкт-Петербургта узачак Петербург халыкара икътисадый форумында Россия Спорт министрлыгы стендында узачак.