Никита Шлейхер-Су спорт төрләре буенча Европа чемпионатының көмеш призеры
Татарстан спортчысы Никита Шлейхер Евгений Кузнецов белән бергә Парижда узган Европа чемпионатында республика өчен беренче медаль яулады. Суга сикерүчеләр өч метрлы трамплиннан синхрон сикерүдә көмеш медальләр яуладылар.
Франция башкаласында 31 июльдән 16 августка кадәр Су спорт төрләре буенча Европа чемпионаты уза. Суга сикерү буенча Россия дуэты 408,99 балл җыеп, югары осталык күрсәтте. бу аларга пьедесталның икенче баскычына күтәрелергә һәм өченче урынны алган парлардан 23 баллга диярлек аерылырга мөмкинлек бирде. Германиядән Лу Массенберг һәм Йонатан Шауэр гына югарырак булып чыктылар, алар 423,84 балл нәтиҗә күрсәттеләр. Бу бүләк Татарстан өчен агымдагы чемпионатта беренче тапкыр булды.
Шлейхер исәбендә 2021 елда Будапештта Европа чемпионатында көмеш (шулай ук Евгений Кузнецов белән парда өч метрлы трамплиннан синхрон сикерүдә), шәхси сикерүләрдә көмеш медаль, синхрон сикерүләрдә дөнья чемпионатында көмеш һәм башка бүләкләр.
Европа чемпионатында республика данын алты укучыбыз яклый: Ралина Гыйләҗева, Софья Дьякова, Андрей Минаков, Никита Шлейхер, Агния Тулупова, Павел Истомин.