Команданың һәм яңа баш тренерның рәсми презентациясе Яшел Үзәндәге «Волга» шифаханә-профилакториенда узды. Клуб җитәкчелегенә һәм спорт җәмәгатьчелегенә сезон алдыннан команданы җитәкләгән яңа баш тренер Сергей Тарасовны һәм «Ак Барс-Ракета» составына кергән хоккейчыларны тәкъдим иттеләр. Алар арасында капкачы Юрий Иванчиков, сакчылар Максим Рязанов, Николай Дмитров һәм Сергей Филатов, ярымсакчы Егор Дарковский, борт ярымсакчысы Павел Плешивцев һәм һөҗүмче Владимир Михальченко.

Парижда Су спорт төрләре буенча Европа чемпионатында Татарстанның Суга сикерү мәктәбе укучысы Никита Шлейхер ун метрлы каланчадан синхрон сикерүдә алтын медаль яулады. Руслан Тернов белән парда ул 443,82 балл җыйган.

Биектау районында «Чирша» балаларны савыктыру лагере базасында «Хезмәткә һәм оборонага әзер» Бөтенроссия физкультура-спорт комплексын сынау үзәге оештырган зур спорт көне узды. Чарада отрядларга бүленгән лагерьда тәрбияләнүчеләр катнашты.

Татарстан Республикасы Зеленодольск муниципаль районының "4 нче урта мәктәп" өстәмә белем бирү учреждениесе хезмәткәрләре «Хезмәткә һәм оборонага әзер» Бөтенроссия физкультура-спорт комплексының отличие билгеләренә лаек булдылар. Бүләкләү физкультурачылар көне алдыннан булды.