Казанда һәм Мәскәүдә Универсиада нәтиҗәләре буенча бүләкләү дәвам итә. 2нче өлеш
XXVII Бөтендөнья җәйге Универсиада нәтиҗәләре буенча чираттагы бүләкләү бүген Казан Ратушасында узды. Бүләкләү тантанасын Казан Башкарма комитеты җитәкчесе Алексей Песошин алып барды. Ул Казандагы Бөтендөнья студентлар Уеннарын оештыруга һәм уздыруга зур өлеш кертүчеләргә Казан Почет грамоталары, Башкарма комитеты почет грамоталары тапшырды.
"Бүген без сезгә тарихтагы иң яхшы Универсиада уздырган өчен рәхмәт әйтергә җыелдык, - дип мөрәҗәгать итте Алексей Песошин залдагыларга. - Сезнең һәркайсыгыз эшне җиренә җиткереп башкарды. Универсиада аркасында безнең шәһәребез тагын да дөньяга танылды", - дип ассызыклады ул һәм коллегаларына - сәламәтлек, эшләрендә уңышлар теләде.
Бүген бүләкләнүчеләр арасында - "Казан 2013" Башкарма дирекциясе, шәһәр Башкарма комитеты, ведомствора учрежденияләр, район администрацияләре, Татарстан республикасы Мәгариф министрлыгы, спорт комплекслары, сәламәтлек саклау өлкәсе һәм "Иске шәһәр" префектурасы хезмәткәрләре. бүләкләнүчеләр исемлегендә барлыгы - 145 кеше.