Казанда беренче тапкыр Теннис фестивале узачак

 Казанда беренче тапкыр Теннис фестивале үткәрелә. Татарстан өчен уникаль чара 30 сентябрьдә Казан теннис академиясе базасында узачак. Бу хакта "Татар-информ" МА матбугат конференциясендә билгеле булды.
Журналистлар белән очрашуда Анда Россия Теннис федерациясе идарәсе әгъзасы, тренерлар советы рәисе Геннадий Жуков һәм Татарстан Республикасы Теннис федерациясе төбәк иҗтимагый оешмасы вице-президенты, башкаручы директоры Равил Ногуманов катнашты.
Оештыручыларның сүзләренә караганда, Теннис фестивале кунаклары - Россия теннис федерациясе президенты Шамил Тарпищев һәм танылган теннисчыларАнастасия Мыскина, Евгений Кафельников, Игорь Куницын. Алар җирле танылган теннисчылар белән легендалар матчын үткәрәчәк.
Теннис фестивале шоу-программа, Казан теннис академиясе һәм Россия чемпионаты партнерларыннан бүләкләр, танылган теннисчылардан автограф алу белән башланачак. Кичәне «Реальные пацаны» сериалы актеры Антон Богданов алып барачак.
Аннары Игорь Куницын теннис академиясенең яшь спортчылары өчен мастер-класс үткәрәчәк. Фкестиваль легендалар матчы белән дәвам итәчәк.
"Ике капитан - Мыскина һәм Куницын сайланачак, алар үз командаларын җыячак. Матч парлы разрядта узачак, икенче спортчы Татарстан теннисчысы булачак. Парнерлар шулай ук Татарстанның профессиональ спортчылары арасыннан сайланачак. Алар Ксения Лыкина һәм Тимур Киямов булырга мөмкин", - дип сөйләде Равил Ногуманов.
Теннис фестивале җиңүчеләрне бүләкләү белән тәмамланачак. Аннары теннис буенча Россия чемпионатын ачу танатансы була. Фестивальгә керү түләүле.