Казанда уза торган Россия беренчелегендә сөңге һәм чүкеч ыргыту буенча медальләр уйнатылды

Җиңел атлетика буенча Россия беренчелегенең икенче ярышлар көнендә кызлар һәм егетләр арасында сөңге һәм чүкеч ыргыту буенча медальләр уйнатылды.

Егетләр, чүкеч ыргыту. Финал

1. Данила Данилов (Мәскәү - Мәскәү өлкәсе) - 72,47 м

2. Петр Некипорец (Мәскәү - Ставрополь крае) - 71,14 м

3. Илья Евгеньев (Мәскәү) - 65,70 м

Данила Данилов беренче омтылышта ук чүкечне 71,94 метрга ыргытты, бу күрсәткечне аның көндәшләреннән беркем дә куып уза алмады.

Егетләр, сөңге ыргыту. Финал

1. Павел Кувыршин (Санкт-Петербург) - 66,55 м

2. Анатолий Шапринский (Ставрополь крае) - 64,91 м

3. Борис Бездольный (Краснодар крае) - 64,58 м

Павел Кувыршин лидерлыкны шундук үз кулына алды һәм ычкындырмады. Иң яхшы күрсәткечне исә ул соңгы алтынчы омтылышта күрсәтте.

- Казанда миңа барысы да бик ошады. Стадион зур һәм яхшы, ыргытырга җайлы. Нәтиҗә яхшырак та була алган булыр иде, билгеле. Яхшыга омтылачакбыз. Казанга бары тик җиңәргә дип кенә килгән идем, - диде җиңүче.

Кызлар, чүкеч ыргыту. Финал

1. Софья Палкина (Самара өлкәсе) – 64,00 м

2. Анна Григорьева (Мәскәү) – 59,03 м

3. Анастасия Бородулина (Мәскәү - Ярославль өлкәсе) - 57,17

Софья Палкина чүкечне 60 метрдан ераккарак ыргыта алган бердәнбер спортчы булып чыкты һәм аның беренче булачагы беренче омтылыштан соң ук ачык иде инде.