Татарстанда спорт объектларын төзү һәм капиталь ремонтлау дәвам итә
Бүген ТР Спорт министры Владимир Леонов эш визиты кысаларында Яшел Үзән шәһәрендә булды, анда «Маяк» спорт комплексына капиталь ремонт программасы тормышка ашырыла һәм ябык футбол манежы төзелә.
«Маяк» спорт комплексында зал-Манеждагы капламны алыштыру төгәлләнде һәм бинаның фасадын ремонтлау дәвам итә. Бу этапта бинаның фасады буенча эшләр башкару проценты 70% тәшкил итә. Объектта барлык кирәкле санитар таләпләрне төгәл үтәп, 9 кеше эшли. Эшне тәмамлау срогы беренче августка билгеләнгән.
Шулай ук Яшел Үзәндә спорт мәйданчыклары төзү республика программасы кысаларында Комаров урамы буенча каркас-тасмалы ябык футбол манежын төзү дәвам итә. Футбол манежы проекты берничә киенү-чишенү бүлмәсе, душ һәм процедура кабинеты булган бина төзүне күздә тота.
Белешмә өчен:
Биш еллык капиталь ремонт программасы республика бюджетыннан финансланачак, гомуми сумма 2,5 млрд.сум тәшкил итәчәк. Хәзерге вакытта аңа республиканың барлык муниципаль районнарында 100гә якын кеше кертелгән. Озак вакыт дәвамында капиталь ремонт үткәрелмәгән бу объектлар.
Татарстан Республикасы муниципаль берәмлекләренең шәһәрләрендә һәм торак пунктларында универсаль спорт мәйданчыклары төзү программасы Татарстан Республикасы Президенты Р.Н.Миңнеханов ярдәме белән 2013 елдан бирле гамәлгә ашырыла.