Казандагы Универсиадада иң югары дәрәҗәдәге 153 тәрҗемәче эшләячәк
Универсиада «сѳйләшәчәк» телләр — гадәттәгечә инглиз теле һәм FISUның рәсми теле буларак француз теле, ә кабул итүче яктан — рус һәм татар телләре. Делегация башлыкларын озатып йѳрү ѳчен кайбер очракларда испан теленә дә тәрҗемә ясалачак. Искә тѳшереп китик, Универсиаданың рәсми веб-сайты ѳч телдә — инглиз, рус һәм татар телләрендә эшли.
Хәзерге вакытка инде гаҗәеп зур күләмдә эш башкарылган: 50 гә якын кеше кѳн саен Универсиаданың бар документациясен, веб-сайтның яңалыклар тасмасын һәм башка бик күп нәрсәләрне язма тәрҗемә итү белән шѳгыльләнә.
Шунысы искәртү урынлы, бик җитди, күп баскычлы сайлау узган тәрҗемәчеләрнең 80 проценты — Казаннан. Ләкин 2013 елгы Универсиадада кешеләргә бер-берсе белән аңлашырга булышучы белгечләр географиясе Уеннар башкаласы белән генә чикләнми. Әлеге зур халыкара вакыйгага үз ѳлешләрен кертү ѳчен, тәрҗемәчеләр Россиянең башка шәһәрләреннән генә түгел, ә Франция, Испания, Германия, АКШтан да киләчәкләр.
Тәрҗемәчеләрнең күп ѳлеше — 30 яшькә кадәрге егетләр һәм кызлар. Ләкин чыгыш ясаучы белән бергә тәрҗемә ясап барачак иң тәҗрибәле белгечләр һѳнәри юлларын 1980 елда Мәскәүдә узган Җәйге Олимпия уеннарында башлаганнар.
Казанда узачак 2013 елгы XXVII Бѳтендѳнья җәйге Универсиаданың тәрҗемәчесе — Россиянең алдынгы "ТрансЛинк" ҖЧҖ тәрҗемә агентлыгы.
* Common Sense Advisory Inc. бәйсез аналитик үзәге мәгълүматларыннан күренгәнчә, «ТрансЛинк» тәрҗемә агентлыгы Россиядә иң алдынгы дип, Кѳнчыгыш Европада — ѳченче, дѳньяда — 47 нче урында дип танылган,