Казан командалары «Мәктәп волейбол лигасы» ярышларында җиңүче булдылар
Узган шимбәдә Казанда «мәктәп волейбол лигасы»ярышларының финалы узды. Исегезгә төшерәбез, мәктәп волейбол командалары арасындагы ярышлар «Демография» милли проектының «Спорт — тормыш нормасы»федераль проектын тормышка ашыру кысаларында уза.
Хатын-кызлар һәм ир-атлар зачетында Казан командалары җиңүче булды.
Кызлар арасында финал көрәшендә кубокны «Юность»урта мәктәбе волейболчылары яулады. Финалда алар төгәл тапшырулар һәм төгәл сугулар белән искиткеч уен күрсәттеләр һәм Кукмара районыннан СШ Зилантны 3:0 исәбе белән җиңделәр.
Финалда егетләр арасында «Центральный» ФСО СШОР (Казан) һәм 4 нче спорт мәктәбе (Яшел Үзән районы) командалары очрашты. Тигез уенга карамастан, Казан волейболчылары көчлерәк булып чыктылар һәм ышанычлы җиңү яуладылар. Уенчылар тамашачыларны матур уен белән шаккатырып, югары дәрәҗәдәге осталык күрсәттеләр.
Бүләкләү тантанасында турнирның җиңүчеләрен һәм призерларын ТР Спорт министры урынбасары Илдар Садриев, Казан шәһәре физик культура һәм спорт комитеты рәисе урынбасары Ришат Ибатуллин, шулай ук «Динамо-Ак Барс» һәм «Зенит-Казан»волейбол клублары уенчылары тәбрикләде.