Татарстан командалары – мәктәп регби лигасының Бөтенроссия финалы призерлары
12-13 июнь көннәрендә Зеленоградта 2013/14 һәм 2015/16 елгы мәктәп укучылары арасында регби лигасының Бөтенроссия финалы узды. Чара «Спорт — тормыш нормасы» федераль проектының «Демография»милли проектының максатларына туры китереп үткәрелде.
Ярышларда Россиянең төрле шәһәрләреннән 46 иң көчле команда катнашты: Севастополь, Төмән, Яр Чаллы, Иваново, Пермь, Мәскәү, Чиләбе, Түбән Новгород, Тобольск, Хабаровск, Ярославль, Сахалин, Бөек Новгород, Тула, Мариуполь, Арча, Благовещенск, Верещагино, Волгоград, Дзержинск, Красногорск, Курчатов, Невинномысск, Самара, Санкт-Петербург, Томск, Көньяк Сахалинск.
Татарстан Республикасын тәкъдим итүче командалар муниципаль этапта сайлап алынды (барлыгы 2000 меңгә якын укучы катнашты), аннары тэг-регби буенча мәктәп лигасының республика финалында Бөтенроссия финалына чыгу өчен Татарстан Республикасының иң яхшы 32 командасы көрәште!
Безнең республиканы 3 команда тәкъдим итте: Арча шәһәренең 2013-2014 елгы 6 нчы урта мәктәбе һәм Чаллы шәһәренең 31 нче урта мәктәбенең 2013-2014 елгы һәм 2015-2016 елгы ике командасы.
2024 елгы мәктәп регби лигасының Бөтенроссия финалы нәтиҗәләре буенча 31 нче урта мәктәп командасы — көмеш, 6 нчы урта мәктәп командасы бронза медаль алды. 2015-2016 елгы 31 нче урта мәктәп командасы үз яшьләрендә 5 нче урынны алды.