Татарстан районнары «Милләтләр кроссы» бөтенроссия йөгерү көненә кушылды
21 сентябрьдә бөтен Россия буйлап «Милләтләр кроссы» массакүләм йөгереше узды. Чара «Спорт – тормыш нормасы» федераль проектын «Демография» милли проектын гамәлгә ашыру кысаларында узды.
Татарстан башкаласыннан тыш, чабышлар республиканың муниципаль берәмлекләрендә дә узды. Азнакайда район халкы «Юбилейный» стадионында йөгерде. Йөгерүдән тыш, биредә яшәүчеләр һәм кунаклар өчен ГТО мәйданчыгы да эшләде. Нормативларны мәгариф оешмалары укучылары, предприятие һәм оешма хезмәткәрләре, мөмкинлекләре чикләнгән кешеләр, шулай ук булачак хәрби хезмәткә чакырылучылар үтәде.
Алексеевск районында Милләтләр кроссында катнашучыларны Яшьләр эшләре һәм спорт бүлеге начальнигы Ривкат Сөләйманов, шулай ук спорт мәктәбе директоры Рөстәм Кәбиров сәламләде. Күптәнге традиция буенча, старт алдыннан ГТО алтын билгеләрен тапшыру тантанасы булды. Аларны Данил һәм Денис Терентьевка (5 һәм 3 баскыч), Алексей Никешинга (4 баскыч) һәм Богдан Ксенофонтовка (5 баскыч) тапшырдылар.
Алексеевскида «Милләтләр кроссы» йөгерешендә 360 кеше катнашты. Җиңүчеләр исемлеген сылтама буенча карарга була.