Татарстан Республикасы җыелма командасы Россия пенсионерларының IX Спартакиадасына юнәлде
26 сентябрьдә Су спорт төрләре сараенда Татарстан Республикасы җыелма командасы белән очрашу булды, алар тиздән Россия пенсионерларының IX спартакиадасында катнашачак.
Ярышлар 2024 елның 30 сентябреннән 5 октябренә кадәр Кемерово шәһәрендә узачак. Спартакиаданың региональ этабын уздыру йомгаклары буенча Татарстан Республикасыннан 9 спорт төре буенча команда төзелде: йөзү, өстәл теннисы, шахмат, җиңел атлетика, ядрә белән ату, дартс, катнаш эстафета, ГТО комплексы һәм иртәнге зарядка күнегүләре комплексы.
Очрашуда Татарстан республикасының «Спорт әзерлеге үзәге» ДАУ директоры Альберт Баһаветдинов, Татарстан Республикасы буенча «Россия Пенсионерлар берлеге» ТИО рәисе Любовь Мишина, шулай ук Татарстан Республикасы спорт министрлыгы вәкилләре катнашты.
Альберт Шамиль улы һәм Любовь Николай кызы командага тренировка процессы өчен рәхмәт белдерделәр, шулай ук спортчыларга сәламәтлек һәм тиз арада Спартакиадада җиңүләр теләделәр. Команда исә, үз чиратында, булачак ярышлар турындагы өметләре белән уртаклашты.
Чаралар «Кузбасс-Арена» күп функцияле спорт комплексында һәм «Кузбасс» Боз сараенда узачак беренче тапкыр Россия пенсионерлары Спартакиадасы узачак.
Чара өлкән яшьтәге кешеләрне системалы рәвештә физик культура һәм спорт белән шөгыльләнүгә җәлеп итү максатыннан үткәрелә. Оештыручылар - Россия Федерациясе Спорт министрлыгы, Россия Пенсионерлар берлеге һәм Кузбасс Хөкүмәте Администрациясе.