ЯҢАЛЫКЛАР
Бүген Мәскәүдә Татарстан Динамосының танылган вәкиле, Олимпия чемпионы Марта Мартьянова чираттагы җиңүен яулады.
16-23 февраль көннәрендә Пермьдә егетләр һәм кызлар арасында гер күтәрү буенча Россия беренчелеге уза. Татнефть Олимп Чистай спорт мәктәбендә тәрбияләнүчеләр төрле дисциплиналарда өч бронза медаль яуладылар.
21-22 февраль көннәрендә Казанда карда регби буенча ир-атлар һәм хатын-кызлар командалары арасында Россия чемпионаты узды. Финалда Пермь крае җыелмасын ышанычлы җиңеп, Казанның «Зилант» командасы хатын-кызлар турнирында җиңүче булды.
19-22 февраль көннәрендә Мәскәүнең «Крылатское» боз сараенда тимераякта шуу буенча «Бердәмлек Кубогы»халыкара ярышлары узды. Турнирда Россиянең 13 төбәгеннән һәм Беларусь Республикасыннан 60 тан артык спортчы катнашты. Ир-атлар арасында 500 метрга дистанциядә Татарстан Республикасы вәкиле Тимур Карамов җиңү яулады.
23 февральдән 2 мартка кадәр Казанның Бадминтон үзәгендә 19 яшькә кадәрге яшүсмерләр арасында бадминтон буенча Россия беренчелеге узачак. Бөтен ил спортчылары шәхси һәм команда беренчелекләрендә бүләкләр уйнатачак.
Бүген Мирный бистәсендә урнашкан чаңгы-биатлон комплексында Россия Герое Сергей Анатольевич Ашихмин истәлегенә чаңгы ярышлары буенча Казан чемпионаты һәм Беренчелеге узды. Бу хакта Татарстан башкаласының физик культура һәм спорт комитетында хәбәр иттеләр.
9-19 февраль көннәрендә Дзержинскта «Парус» адаптив спорт төрләре төбәк үзәге базасында «Геройлар лигасы»дивизионында следж-хоккей буенча Россия чемпионатының финал этабы узды. Татарстан Республикасыннан "Татсиб" командасы турнирның көмеш медальләрен яулады.
18 февральдә Санкт – Петербургта СССРның атказанган тренеры В.и. Алексеев Мемориалы-илнең иң көчле җиңел атлетларын җыйган традицион ярышлар узды. Татарстан вәкилләре өч бронза медаль яулады.
19 февральдә Арча районының «Казансу» спорт мәктәбендә 8 нче балалар бакчасының әзерлек төркеме тәрбияләнүчеләре һәм аларның ата-аналары өчен футбол турниры узды.
2026 елның 20 февраленнән 20 мартына кадәр Татарстан Республикасында хәрби һәм хезмәт батырлыгы елына багышланган «Әти, әни, Мин-ГТО гаиләсе» республика онлайн – акциясе узачак. Оештыручы булып Татарстан Республикасының «ГТО» төбәк иҗтимагый оешмасы тора.